係尖咀半島酒店做左15年保安,其實真係幾多邪野,唔信邪可以自己去睇下

weiwei11     2016-12-11     檢舉

我是一個十五年經驗的保安工作者!因近日看到很多各師兄師姐的靈異經驗分享,所以我也想分享一下我的多年靈異事件!但我用手機出文及輪班工作,所以係不定時更新及回覆,還請各位諒解!

我大概於十九歲入行做某老牌酒店保安人員。由於是新入行關係,我第一晚的通宵更並不適應睡魔的急召。於是我找了師兄替我位置讓我小睡片刻。我坐在消防控制室的一角睡著,不消一會已被一股力量由我的右邊猛推向牆邊。這是我的第一次感到身體被不明的力量對抗,於是我開始反抗著,但越反抗力量便越大。我試過呼叫我師兄救我,但冇人應!我已經放棄跟這力量對抗,並等待著意識回復正常,到我可以把身體移動時,原來只是短短的五分鐘。我跟我的師兄講剛才的事!他只說我剛才很好瞓並沒有發出任何聲音!你可以說我攰所以有這樣的事情發生,但原來這只是往後幾年靈異事件的序章。

廣告-請繼續往下閱讀

其實在通宵更只要夾得好,係可以有時間小睡片刻!位置都係消防控制室。有一晚,大慨四點左右舖地瞓,突然發現又郁唔到。我感覺到好像俾千斤墜責實全身,我出盡力反抗坐了起身。我看到正在做野既師兄之後大聲呼救!但佢冇任何反應,我之後也被力量打回地上!不知過了幾耐,我可以郁動,之後我問個師兄頭先我嗌救命你唔啋我,佢話我都冇郁過!但我講得出頭先佢做緊乜,之後就大家知道乜野事了!

由於該位置太過容易中招!於是各同事改去更衣室蛇王,因為該更衣室係保安專用同埋要鎖匙先入得。有一晚,我們有三個人一齊蛇,之前已經檢查冇人,所以各自搵長椅瞓!去到一半時,有一把陌生的老人家聲在我耳邊輕聲講番工期間做乜偷懶。我以為係同事玩野,所以起身想閙人!但原來同時另外兩個都係起身問大家係唔係玩野啊!之後我們檢查過更衣室根本冇其他人。我地都覺得唔對路,於是開門就走,點知一出走廊就看到一個白影慢慢行去牆身之後消失!唔駛講,我地又瀨野啦!

酒店地庫商場有一間酒店精品店,每朝都有一間朱古力公司派人送貨。保安既其中一項工作就係在七點左右開門並在精品店門外等送貨工人入內送貨放入貨倉!有一朝個師兄開門後如常在外等著,突然送貨工人大嗌並走出鋪外叫個師兄鎖門走人,之後到了卸貨區先知原來個工人擺貨期間後面有個日軍大嗌八格之後一野鞕佢背部!佢俾個師兄睇埋條鞕印添!之後所有送貨放係門口就走了!其實所有保安都知道商場大部分鋪都安放冇寫任何野既神位,我地亦唔會去刻意深究。我地都知道商場有野,所以之後既巡邏事件又係值得注意!

廣告-請繼續往下閱讀

先謝謝各位既支持先!經歷過既,三言兩語已可表達一切。始終我唔係作故仔,而撞上既又唔係一次過攪你成晚!我已經習慣了遇上呢D情況。只要感覺到朋友仔在附近,唔好刻意去理會就行過就好了!

巡邏係保安既工作之一!老牌酒店既三條巡邏路線,各有特色!唔係特色在有幾華麗,而是靈異各有千秋!高座巡邏-由於高座係一條走廊過,所以巡邏係Z形落樓的,走廊前後各有一大鏡,所以正常你係可以望見自己同身後既影像!每當行到22樓走廊,我每次都感覺到一股無形既壓力貼在背後,鏡裡既影像波浪般郁動,時間好像停頓下來頭會暈了一下,然後要慢慢走過!呢D感覺只會在呢層樓出現。只有一離開22樓,我就感到身體有很大的對比輕鬆得多!你可以話係咪咁啱呀!我只可說,身體感覺既比較到現在仍然很難忘!

到了低層巡邏,亦係唔只感覺到朋友仔既地方,因為佢地會現身俾我睇!低層因為歷史關係,已經有八十幾年歷史!日治時期,皇軍司令部就在三樓某個酒店房間。沙士時候,全酒店只有兩至三間有客。客人亦會安排在高層入住,所以低層基本上係冇客人入住的。酒店為了節約成本,走廊只會開細燈照明。作為保安既我只可以用電筒去巡邏!呢段期間,朋友仔都特別活躍!有D會在你面前凌空穿牆而過,有D會在你面前等粒![粒都是幾十年前的款式]。沙士後期索性大裝修,晚上工人走曬要逐一房間檢查,因為地下做了工程,所以關不上,所以唔好問我點解唔㪣門先入。有時候,朋友仔已經在窗台附近企著!我只好硬著頭皮快手望完確保冇火冇電就算了!每次巡完後,大家都會share邊度有朋友仔,可以算是沙士的另類經歷!

廣告-請繼續往下閱讀

有師兄提到另外一間噴水池酒店。咁我就插隊講另外一間既其中一個靈異事件啦!

幾年前,有一個大馬拿督係麗晶大賓館既熟客。之後就同一個reception 結了婚,期間佢地閒時同番來住三樓一間套房。有一晚佢地番到走廊,拿督話有一個人在房門外,當時佢老婆話冇人喎咪玩啦!拿督話個人塊面留好多血同埋用大馬語講佢既身份同過去。之後拿督就請咗佢入房坐,佢老婆就只是見到拿督同空氣講野囉!一陣間,拿督問佢老婆八十年代初期高層係唔係有一單兇殺案發生過。老婆面都青埋問佢點知,因為酒店通常都低調處理同埋都二三十年前既事點解會咁清楚!原來朋友仔就係當年死者,佢講得出當年被殺後被人放入喼內所以走唔到!佢想請拿督幫忙帶佢番屋企!之後拿督再冇入住過了!呢件事都係reception 同事流傳出來的,是真是假留待自行判斷了!

廣告-請繼續往下閱讀