大公開!!! TVB女星素顏逐個睇

weiwei11     2016-12-12     檢舉

GreatDaily

化咗妝先靚係因為化妝品靚,唔化妝都靚就真係美人喇!女明星上親鏡都化哂妝,到底邊個先係真正嘅美人?即刻睇睇佢地素顏真面目啦!

1. 鍾嘉欣

GreatDaily

嘉欣bb上鏡靚就唔駛再講,素顏嘅嘉欣bb同化咗妝嘅佢簡直無分別。不過啲人成日話佢皮膚差,就咁睇呢張相,又唔覺喎,皮膚仲好滑添。

2. 高海寧

廣告-請繼續往下閱讀

GreatDaily

高海寧自曬素顏相。嗱,有無用美圖秀秀磨皮美白啲皮膚呢,我就唔評論,不過就咁睇佢素顏,我覺得佢唔化妝young啲囉,不如以後唔好化妝啦,慳錢之餘既方便又快捷。

3. 陳法拉

GreatDaily

嘩,法拉女神素顏都係一樣咁靚,對小酒窩一樣迷死人。法拉,你幾時拍戲呀?!

4. 陳敏之

GreatDaily

陳敏之素顏都係靚女一名,不過就欠缺咗啲自拍技術,身為長腿一族,影素顏相要影埋對長腿是常識吧?

5. 佘詩曼

GreatDaily

好耐無喺三色台見過阿佘做戲喇,講真,真係有啲掛住佢。唔知係唔係太耐無見佢,我已經唔太記得佢咩樣,所以素顏同化妝後嘅佢有無落差,我真係講唔出。

廣告-請繼續往下閱讀

6. 胡定欣

GreatDaily

嗯... ... 佢真係素顏影嘅?點解點睇都覺得佢好似畫咗眼線,特別係下眼線,好黑喎,定係燈光問題令對眼出現了眼線?我真係摸唔透。

7. 岑麗香

GreatDaily

香香公主張相較到咁光,其實就好難唔靚。不過咁,唔理光度,香香公主嘅五官同化咗妝嘅佢無咩分別,一樣輪廓分明,like!

8. 何傲兒

GreatDaily

其實第一眼見到何傲兒張相,我係俾佢嚇親,唔係因為佢素顏唔靚,而係因乜解究咁似......外星人:倒三角型臉、大得誇張的一對眼......呀,點解佢素顏塊面都紅卜卜,天生面色紅潤?

廣告-請繼續往下閱讀

9. 李詩韻

GreatDaily

你唔講一時間都好難認出佢就係李詩韻,我相信唔關佢個樣事,係關副眼鏡事,做咩副眼鏡遮住對眼呢?女人對眼好緊要架嘛,靚唔靚有五成就睇對眼,咁樣遮住對眼,真係扣你五十分架......

10. 姚子羚

GreatDaily

等咗好耐,就係等睇姚子羚張素顏相!!!點解姚子羚素顏有眼嘅?佢對眼唔係畫出嚟架咩?相信各位讀者同我都一樣,覺得好失望,為咗令大家今日心情好啲,我決定私人送你一張細眼姚子羚版~

廣告-請繼續往下閱讀