女士面前，好多男士都會 show off 佢嘅專長。不過，係唔岩嘅時機做唔岩嘅野，咪得一個字囉「seven」！好多係外國讀完書回流返來嘅，
常日一口外語夾雜廣東話，有好多甚至連廣東話都唔願意講，覺得講外語好似高人一等咁。最近就有位的士大佬，載到一位連英文都唔肯講，
只係肯講法文嘅「ABC」，真係激親搞到被寸到佢搵窿鑽！
人類總是...…事源的士大佬係灣仔載到 1 男 2 女，咁就問佢地去邊啦。點知個男仔就擺明 show off 係道講法文地址，
被司機問咗 3 次先肯用廣東話講，仲諷刺咁話「我諗住係地標你地實知，冇諗過你唔明。」咁講窩。
司機大佬當然反問返轉頭，問呢個 ABC 係咪平時係法國坐的士都講廣東話。咁個男仔就當然答冇可能啦，大家估下司機點講？司機一句神回：
「你果啲神邏輯黎喎，法國就聽唔明廣東話，咁點解你會期望一個百分百純正香港人聽得明你講法文呢？呀！呢個都已經唔關邏輯事，純粹係智商同常識嘅問題，我冇諗過你唔明！」
真係啊，搞到同行兩位女士由開車笑到下車，仲唔咪抵死！司機大佬最後仲贈個男仔兩句，話「面人地比，架就自己丟。」
今次個男仔真係丟架丟到大西洋！網民就紛紛留言話司機好正，仲話係「本年度最佳笑話」添，都話的士大佬唔好惹架啦！
港女數臭港男四大缺點：有一樣就判死刑！！
小妹第3次拍拖，男朋友係第1次拍拖
本來以為男仔第一次拍拖應該冇咩野，
幾純情，但原來係咩都唔識之餘仲好自我中心
（可能始終冇前任女友話過佢叫佢磨合）
我對佢好寬鬆，但咁樣我自己仲忍得辛苦。。。
佢既缺點：
1）長期放負能量
我同佢都係做sales
佢成日好要面，如果果日我有單佢冇佢就會唔開心一整晚（但我唔可以講大話話冇單，因為佢會查到）
有時好地地食餐飯佢就係放負黑口黑面，仲要唔係一次兩次，真係咩心情都冇曬
2）每次食飯都係15mins內，好似倒曬啲食物落口咁，仲要一路打機
同佢食飯等於同空氣食
（雖然佢有解釋過話因為以前成日自己一個食飯所以習慣左想快啲食完先食咁快）
有時放工咁攰仲堅持一齊食飯都係因為想見下佢想傾下計，但佢每次都勁快食完就送我去搭車，唔散步唔坐多陣。
又唔係話好攰，佢返到屋企都係2點幾先訓
3）放飛機成習慣當冇回事
話一齊食早餐一陣又話：下我隨口up下炸，約晚飯到鐘又話：我仲做緊gym呀聽日先啦
我又唔想因為呢啲雞毛蒜皮日日發脾氣我覺得咁好無謂，但我覺得佢真係做得唔岩，我又唔知點樣叫佢改過
4）最嚴重！！唔攬唔錫淨係要心靈上交流
我同佢都係virgin ，唔做都冇問題，但問題冇可能男女朋友唔攬唔錫掛！
一開始佢同我一齊就係話當我係樹窿，我係第一個肯聽佢講心事又聽得明既人，又話同我傾計舒服放鬆，所以中意我。
但我點都冇諗過原來有人係可以淨傾計唔攬唔錫都叫拍拖！我認為攬同錫係最基本表達愛意既方法！
佢既解釋：我唔想你覺得因為我唔攬唔錫就係唔中意你，完全唔係咁樣，只係因為我本身唔中意攬錫，我覺得好核突。我唔中意同人咁close，但如果你真係需要，我都可以盡量忍到一陣…盡量滿足你既…
劉奇奇 • 43K次觀看
安卿榕 • 8K次觀看
