馬國明化完老妝再扮里安納度 網民：「天然呆」終於開咗竅！

馬國明最近忙著拍攝新劇《兒童醫院》，第13度飾演醫生角色，你以為佢又再重覆自己？原來最新嘅突破係喺廣告代言的演出，話說馬國明最近更拍了一個金融產品代言廣告，化老妝預想退休生活，扮老之餘又扮里安納度狄卡比奧，網友睇完都表示「『天然呆』終於開咗竅」：

馬國明最近的代言廣告，表現生鬼，化老粧演繹退休人生⋯⋯

廣告第二輪攻勢入面，馬明的祝酒表情扮捉2013年狄卡比奧的電影《大享小傳》著名Cap圖。

現今世代，唔少藝人都用心經營Facebook、Instagram及微博等社交平台，不時分享生活照、「福利照」，又可以同粉絲緊密交流。就連一向絕緣社交平台的馬國明，前年都終於開了微博帳號！馬明開通微博後似乎上曬癮，當時幾乎日日都更新微博～

馬國明微博第一張相係同《飛虎之雷霆極戰》演員黃宗澤、吳卓羲合照。

馬國明微博短時間已經有接近8萬粉絲！

V認証來了

話曬初踏入微博的世界，馬國明可能未熟悉微博操作，至今仍未得到「紅V」字新浪認證，所以網民紛紛留言提醒佢，於是馬明就擺出V字手勢自拍出post回應：「看見很多評論……都說想要認証……好啦好啦……V認証來了…yeah…」

V認証來了！

最近馬明同苟姑娘拍戲，並留言：「拍戲真好……每套戲都可以跟不同美女發生感情……我 最新 「飛虎」 老婆…」唔見心穎BB嬲豬？！

馬明真係好可愛……

馬明的幽默感真係唔講得笑，雖然未獲「紅V」字新浪認證，但佢竟然諗到一條絕世好橋，就係每張相都加個自家製紅V，連頭象圖片都加埋！網民都想問馬明真係好可愛……

加完紅V，仲加枝煙仔俾自己，不過馬明係想講吸菸危害健康，順道呼籲大家少吸菸！

馬國明式幽默不斷為網民帶來歡樂，佢留言：「看到很多評論……發覺大家越來越失控越來越過份……希望大家學會尊重別人……照顧別人感受……本人……馬明……由第1天演戲開始……從來都是走萌萌、可愛、幽默、得意、搞笑路線……形象只得1個字…… 「型」……yeah……死未…」

不過呢種幽默似乎唔係個個網民都識欣賞，所以馬明解釋：「其實我已加咗表情 ……加咗文字 星期天……笑下啦⋯都仲有人誤會我唔知什麼叫 認証……真係 冇眼睇……希望大家多d 幽默感 啦…不過 還好 有好多都識笑……謝謝你們……謝謝你們 」

馬明都冇眼睇！