獨家直擊！落選港姐賴琦媛極速搭上肥叔叔富商 人前扮唔熟暗黑位攬到實

賴琦媛極速搭上肥叔叔富商

出名拜金的賴琦媛，其實參選志不在攞獎，反而更在意藉選美作跳板埋富二代身，早在參選初期，已經被揭同李彩樺前度金融才俊潘啓翀拍拖，不過，賴琦媛參選即飛甩男友，充滿野心要更上一層樓，之後又被拍到有中佬以60萬名車接載出入，男人在身邊車輪轉，原來近日再極速換畫，成功釣上內地富貴肥叔叔。據悉賴琦媛與富貴肥叔叔認識不久已打得火熱，更極速進駐男方位於何文田的豪宅同居；不過，即使成功登堂入室，賴琦媛仍未坐正！有傳富貴肥叔叔早有家室，釣到金龜是福是禍仍是未知之數！

賴琦媛與內地中佬富商火速打得火熱，9月10日更結伴到中環撐檯腳，兩人約在晚

上七時許到達餐廳，據聞有家室的富貴肥叔叔，入餐廳前仲掛住睇手機，真係好忙碌。

撐檯腳兩個半鐘，飲飽食醉都係時候返歸，肥叔叔埋單後一馬當先步出餐廳，賴琦媛

則緊隨肥叔叔身後。

二人鬼祟法國餐廳撐檯腳

9月10日傍晚，本刊獨家斷正賴琦媛與年約四十的內地富貴肥叔叔，由男方何文田豪宅寓所出發，到中環歎法國菜，當晚身穿露腰裝襯短裙曬肉腿的賴琦媛，與肥叔叔步入位於石板街酒店二樓的法國餐廳撐檯腳，一吃兩個多小時，到晚上約九時半才結伴離開餐廳，青春打扮的賴琦媛跟在肥叔叔身後，未知是否怕畀人認到，兩人步出餐廳就刻意扮唔熟，一馬當先行在前面的富貴肥叔叔，更緊張兩頭張望，二人保持住兩個身位距離。不過，當行到去暗黑位置，兩人已極速變成連體嬰，攬到實行落石板街，然後一齊上肥叔叔價值百萬的LandRover座駕離開。據知情者透露：「寸嘴Ivy好進取，未夠18歲已經好鍾意落夜場蒲，咪係想搵機會埋啲有錢人身，佢同肥叔叔都係近排先識，知道對方有米，已經好主動黐埋去，同肥叔叔九月頭先正式開始，冇耐已經搬埋入肥叔叔嘅何文田豪宅同居。」

兩人步出餐廳即扮唔熟，跟在肥叔叔身後的賴琦媛，更刻意同男方保持住兩個身位的距離。

傳肥叔叔有妻有兒

雖然成功進駐富商豪宅，不過賴琦媛仍未真正做女主人，有傳富貴肥叔叔早有家室，而且非常富貴，中港兩地都有物業，除了現時與賴琦媛同居的何文田豪宅，據知同區還擁有三個合共市值過億物業。知情者透露：「肥叔叔喺香港同內地都有生意，成日要兩邊走，不過，近幾個月因為新冠肺炎疫情，每次返內地或者嚟香港，都要隔離十四日，肥叔叔多咗留喺香港，寸嘴Ivy先有機可乘。」參選港姐已經醜聞一大籮，今次姣肥叔叔斷正！未知賴琦媛又如何拆彈？

不過當行到暗黑的石板街，兩人已不再避忌，即時由生疏變連體嬰，一路攬到實行落樓梯，相當纏綿！參選時話努力減磅的賴琦媛明顯心廣體胖，腰間唧腩，肉腿肥美。