見到女朋友個肚腩已經唔想掂佢

同呢家e個女朋友一齊左幾年，一開始識佢已經覺得佢同之前嘅女朋友唔同，對性好好奇、好想要、好濕，不過哥陣覺得我都對性好有需求，就冇乜特別感覺。

但越一齊佢開始越來越肥，我又唔知點同佢講，成日睇ig 話幸福先會肥...但點解ig d配圖係一個瘦嘅女仔，而我女朋友已經係個肚腩大到鬆弛嘅地步...

一開始覺得唔知點同佢開口，就keep住一齊，但係同時慢慢發現，自己撲野哥陣見到佢個肚腩已經會有一種唔多想掂嘅感覺，再落去就會慢慢硬唔到，轉個姿勢後入又太多肉頂住...果種感覺應該未試過嘅人係唔會明白。而家已經要去到熄曬燈，黑掹掹嘅地步先可以做一次，而佢每想要幾次我先會想做一次...

我哋一齊已經差唔多5年，並且佢都就快踏入三字頭，開始有共識會諗結婚，我都唔想因為咁樣而分手，最大原因係我會覺得咁會浪費佢好多年嘅青春（某啲原因，我地一齊五年之前仲有經歷過好close嘅兩年），並且如果係咁嘅年紀嘅話佢會搵唔到另一個錫佢嘅人同佢結婚（佢係一個好想早啲結婚生仔嘅女仔）。

我完全唔知應該點同佢開口，定係應該帶住呢個秘密同佢結婚就算，結完就唔再撲野⋯⋯